يوم انشدوني عن دموعـي وأنـا أمـك
جاوبتهـم وابعدتهـم عـن طـواريـك
ما ابغى أجرحك في كلمـة تزيـد همـك
ما أبغى أقول إن السبـب مـن تجافيـك
يوم لمست الصـدر فـي يـوم ضمـك
نسيت أنا اللي حولـي وقمـت أبكيـك
ما دري إنت عايش وارتجي لمس جسمك
أو ميـت وأقـول يرحـمـك والـيـك
يـا مـا سِهـرت وزاد غمـي لغـمـك
ما ارتـاح ليمـن تهتنـي فـي لياليـك
يـا مـا لمـا طولـت نومـك أشمـك
وأتأكـد إنـك عايـشٍ لـي وأرجـيـك
ويا ما ازعلـوا منـي خوالـك وعمـك
ويا ما هجرت أقرب قريب ضحـك فيـك
ويـا مـا ذرف دمعـي إذا سـال دمـك
بـراءة الأطفـال مـا هـي بتنهـيـك
ويا ما انتظرتك عند بابـي وأنـا أمـك
وأقـول فـي يـوم تـجـي وأحيـيـك
أخـاف مـن يـوم يجيـنـي يغـمـك
ويجيـك علمـي مـع عزيـز يعزيـك
أنـا علـى الله داخـلـه ثــم لـمـك
ارحـم قليـب تالـي الليـل يشكـيـك
فكر في مـن صابهـا الضيـم وظلمـك
واذكر حشاً ضمـك وعسـر المساليـك
ودي أشوفـك قبـل يومـي ويـومـك
لــو مــرة بالـعـام الله يخلـيـك
مـا أبيـك تقطعنـي إذا أمـري يهمـك
بقعد معك وأضحك وأسولـف وأحاكيـك
يـا وليـدي اذكـر كلمـة قـال فمـك
لا قلـت كلمـة يـوه قلـبـي يلبـيـك
واذكـر زمـان بـه فراشـي بجنـبـك
ولا شكـت قـلـت يـمـاه وأسلـيـك
ولا اشتد ما بـك فـوق كتفـي أزمـك
ما أرتـاح لحظـة ليـن ربـي يعافيـك
والختم لا جتـك الرسالـة وأنـا أمـك
يُمّـه تجـي ولا أنـا أزحـف وأجيـك
الخميس يوليو 24, 2008 10:15 pm
